خابت ضنوني كيد من جور الزمن
واهل الوفا صارو بدنيا يائسين
ياقهر قلبي مالقيت اشكي لمن
والحاشيه تخفي لي الحقد الدفين
خابت ضنوني والحزن بي والوهن
والعين صبت دمع من كثر الانين
ياقاره الله يلعبو فينا علن
ضاع الوفا والعمر بالساحه سنين
بلاه يارمز القياده والحكم
عاشي رقابه للاله المستعين
ضاعت مباديكم وبعتوها لمن
امنتو السارق وسرقتو الامين
ولا امن شارع بعاصمتي عدن
وماهو الانجاز بالست السنين
عاد المصافي هي ومينا السفن
في يد من يخفي لنا الحقد الدفين
قواتكم تحرس ومنتوجه لمن
هل راح منتوجه لشله فاسدين
ام انكم تمسون في خير النعم
والشعب ياقاداته بيمسو جايعين
عسكر بلا راتب وقايدهم سمن
والعسكري في صرفته كم بايعين
يحمو حدود الارض واللقمه لمن
ومن ومن امسئ من اللقمه سمين
كم يامطالب وسط راسي تتعجن
وكم وكم مثلي براسه الف سين
باطل على ذي راح بالقبر اندفن
احيا في قلبي وماهم ميتين
راحو حماه الدار وحماه الوطن
وراح واستشهد بها كمن حسين
واش بانقله لو سال ذي بالكفن
ولا تخبر كيف نحنا عايشين
هل بانقله زاد علارض الفتن
وهل بنشرح له عن الوضع الحزين
لنه حسب لوضاع ماني مطمئن
الوضع مزري والله انا مستحين
ذي كلما قلنا هدا الوضع اعتجن
الله لابارك لهم دنياء ودين
لا شايب اتوطخ ولا الشاب اطمئن
والخوف جا عالام والطفل الجنين
ومن توكل بعد رزقه ماضمن
بعودته سالم واهله غانمين
الناس تقتل مادرينا بيد من
الداري المولا اله العالمين
سؤال قبل العقل بيصيبه جنن
وين الحكيم وصاحب العقل الفطين
هذه نتايج ماسعينا من زمن ؟
هذا الذي ضحيت له من قبل حين
وين الجنوب الحر ذي لجله رطن
فارس ومتقدم بحربه ياطعين
وين الذي عشنا لاجله بالمحن
وصنفونا ارهاب وانتوا عارفين
قولنا كيف اصبحت ج اليمن
وين الذي كناء بنتمناه وين
يارب وحدك من تقل للشي كن
ترحم بلادي من يدين العابثين
وزكى صلاتي عد قطرات المزن
صلا عليك الله ياطه الامين
©خالد وليد
خ