بعد ما اگلك يعمري
لأن عمري صار عندك
لا ولا اگلك حياتي
لان كلي صرت ملكك
احكمني وامرني أميري
بين اديك وتحت امرك
انت ياسلطان أمري
ومحلا أمري تحت حكمك
ياشمس انت بنهاري
وانه نجمه بليل احرسك
اغفه واحلم ياحبيبي
عيوني اكحلهن بحلمك
وخلي كل السهر اليه
حتى أتئمل بوجهك
واكتب اشعار وقوافي
شماكتبت انت آحلا وصفك
صحره روحي وعمري هيمه
مرني غيمه الحگ بلياك اهلك
أمطر أمطر وروي عمري
ارتوي بكل گطره منك
ياربيعي ويانسيم الفجر شوگك
وقدحت من اشم عطرك
وحتى ريتي افيش صاحت
تريدني بكل حيلي اشمك
شنهو من ياطينه انته
ما اضنه حوى امك
ياملك انت بجمال
وماضن يوسف بحسنك
وشما اريدن انه اوصفك
بالحقيقه يفوق وصفك...
الشاعر سعد شكر الشمري
©saadshukur
S