وش الي خطر في بالك وجيتني اللحين
ما تدري تركت في داخلي جرح عظيم
قضيت سنيني معك ونا مرت علي السنين
وما لقيت منك الا الجفا والشعور العديم
عشمتني بمحاتاتك كنك عاملي كمين
ما تدري ان فعلك جرم في حق المُهيم
واللحين تقلي ابيك ونا قتلني الحنين
وما شعرت في دمع المفارق الغميم
وما سمعت تنهات الباكي والأنين
خابت ظنوني فيك بعد ما كنت الحميم
انا كتبت من القصيد لين ختمت الدواوين
ولبست من الحزن الثوب الكتيم
كتمت الشعور وشعوري كاتمني ونا حزين
كل هذا على شانك وكان شانك عظيم
لكنه رخص بعد حرمانك والله يعين
ما عاد أشفق على طيفك دام إنه لئيم
تحملت غلطاتك وتحملتها سنين
كنت تخطئني بلا عذر ونا كنت الحليم
تقبلتك على عيوبك الكثيره كني سجين
ومشيتني في دروب التيه المشيم
وخليتني في بلاي وكان البلا مكين
والآن ماتت ذكراك في بالي ونا في نعيم
©shobaky
S