باسم الإله اللي له الحب كله
في مستهل الحب والا بقاصيه
اللي عرفنا ماعرفنا نجله
كل الجلال الحق لو نجتهد فيه
ومن فضل حبه حبنا للأخله
بأمره نحب اللي من الخلق ينبيه
المصطفى ربي من الوحي دله
وبطاعته لله نعرف نناجيه
ونحب خلقه والسبب حب لله
من يعبده نرضى نحبه ونغليه
من انبياه وخلقه المستظله
في ظل عرشه حظ من كان يحميه
سبحان ربي عد نجم مطله
وعداد مايبلغ من الحمد يرضيه
باسمك بديت وحيرتي مستدله
واطلبك قلبي باقي العمر تهديه
كرهت بعدي عنك والقلب مله
واطلبك تاخذني بعطفك عن التيه
وتدلني دربٍ ليا القلب دله
يمشي ولاتعثر بخطواه رجليه
تكشف بنورك لي جميع الأدله
خل انشراح الصدر فيني مواريه
والخله اللي في ضميري مخله
تنزع وبالي من سباته تصحيه
يعجز هواني كل شي يحله
واشفق على فكري وهذي تواليه
واخاف من مافي ضميري يشله
من قو خوفي مير مانهض وارقيه
وارجع على قلب لقربك توله
وافرح ليا منيت قلبي وامنيه
في خلوتي يارب وصفت عله
في جهد مني ضن مني بتعفيه
©ibnkhwiled
I