كثيره جروح انا بروحي
وانت أكبر جرح بالروح
اداوي واعتني بيهن
لچن جرحك اريده يفوح
ودوم اصرخ واصيح الأه
واذكرك بالسگم َوالنوح
ولا اريدك بيوم اطيب
واضلن بيك انا مجروح
واشيلك بالجسد وياي
ولا اخليك لحضه تروح
واريدك دوم تلچمي
يل لچمك يزيد النوح
منو مثلي يحب جرحه
ويخلي ينزف ومفتوح
ولاتهون عليه بيوم
صوتي من الألم مبحوح
ولا الوليلك بليلي
ولاتغفه بخضن مذبوح..
الشاعر. سعد شكر الشمري
©saadshukur
S