اخويا..... اول حب ليا و اول حنان
بشبع ببصة لضحكته وادعى ربنا يحرسه ويخليهولى كمان وكمان
ويفضل سندى وامانى و يفضل فرحه ونجاحه كل أمالى
بحب كل أوقاتنا ضحكنا لعبنا وبكانا حتى سكاتنا
ده أنا لو روحت لغيرك و بعدت ل١٠٠ ميل برضو القلب لغيرك لا يحن ولا يميل
ياللى قلبى بيدق بحروف اسمك ويفضل فى بالى ان الجواهر اسمك وتفضل انت ترسى وحمايتى يا مشاركنى كل تفاصيل حكايتى.
لسه فاكره اول ضحكة ليك علي طفولة ضحكتى لسه فاكره لمسة ايديك وانت بتطمن عليا وتجس سخونيتى لسه فاكره بصتك ليا باهتمام لموهبتي وبشكر ربنا ان انت هبتى لسه فاكرة لما وقعت
ورجلى ما لمستش الارض يا معلينى لسابع سما وواثقة انك مش هتنزلنى حتى لاول ارض يا سندي ودنيتى يا مصدر طاقتى وقوتى
يا ضلوعى القوية الثابتة و حامية قلبى من الخطر ورفيق دربى و شجرة فى سكة مطر
بحبك يا اللى وجودك الماظ واالى يكسبك اكيد فاز وانا بيك اول الفايزين ياللى عشقاك القلب والعين يا روحي اللى مش مفراقانى يا اول معين ليا فى حبه صادق ويتجرح للخدش اللى فيا حاسس بكل فرحى وجرحى والامى وطبيب لانين ايامى
شايفه عيونك وهى فرحانه لنجاحى وبتبكى لنواحى وملازمة كل اوقاتى بسردلك حالة قلبي وكل حته فيه بتقول الآتي : انا دايبه فى هواك يا فرحة حياتى يا اغلى عندي من الذهب وانت الوحيد الباقى والكل قد ذهب ومافيش امل فى رجوعهم يا مداوى كل اللى حواليك من وجعهم ولما يتكلموا عن الرجوله تبقى انت موضوعهم وانا مهما كتبت فيك من شعرى وابياتى مايكفي لحد مماتى والقلم حبرة فى وصفك جف وانت صوتك بلسم يتحط على الجرح يطيب و يخف
وجودك شئ أساسى انت اصلا اساسي يا مشاركنى كل احساسي انا قلبى فيه داب ومن حبه قلبى من اى حب تانى تاب ويموت ان اخويا لدقيقه واحده غاب
والكل يشهد على حبى ليه زينة الرجالة واجمل الشباب
ومش هحكى كتير لانى زى ماقولت كلامي على حبي ليك قليل
باختصار وفى كلمتين كل طوائف الأديان عندها عيدين وانا المحظوظة بين الخلق عندي اخين يعنى تضرب كل السند والامان اللى فات في اتنين
انا واحده مسنودة بيهم طول العمر ولا تكسرنى قساوة الدهر ولا حد يقدر على عمل تجويف بينا وان حاول يبقى غبى و بيزود الحب بينا
وان سألوني الناس عن حب قلبى الاول والاخير وبدون كدب او تحاوير جاوبت بكل صدق وأمانه دوماديوس و مكسيموس فى قلبي اعلى مكانة قالولى طب مفتاح قلبك مع مين قولت مع اخواتى الاتنين اصل انا قلبى ماهوش موجود هما اخدوا مفتاحه وسرقوه قعدوا مكان قلبي وشالوه
يا محكمة القلب مين يحكم غيرك على سرقة واجبار وان يسكنك غيرك دول الجناه على قلبى اه يا قلبي
دول بحبهم سبونى وعلى عشقهم اجبروني وربطونى بحبل الود و سحبونى
وبقيت انا هما ابص في المرايا الاقيهم ما اصل انا افتخر اني تربية اديهم و برضو كنت مربياهم 😂☺️✋
وجودهم في حياتي حياة.. وجودهم فى حياتى حياتى
انتو وجودكم فى حياتى غني الفرح ولا يوصف الفرح غير الغنى والغنى ماهوش ليا ومفيش معايا غير حبة شعر فى ايديا فعزفت مشاعري بالاتى وكلماتى فكتبت قصيدتى وسمتها #اخواتى-هما-كل-حياتى
#محبة❤
©gomanaraft
G