لَيْشْ هَيْكِ مْبَعْدِي

طَمِني عقَلبكْ كيفو ع بُعدي
من كم يوم لمَحتْ عيونَكْ مِبْتسمِين
شَكْلو وُصِل الحبيب لِ بَعدي
ذاكِرْتكْ ضعِيفة يِمكِن نْسِيت وَعدَكْ و لْسنِين
ومِشْكِلتي قَوِيّة ذاكِرْتي وما قَادْرة إنسى وَعدي
نسِيت لمَّا تكُونْ مَيِّت شَوْق وحَنين
وتِبْعَتْ عْصَافير شَوقكْ وعَشِبّاك روحي تْهَدّي
نسيتْ فَرحتكْ ولَمْعِتْ عْيونَكْ الحِلْوين
لمَّا تِتْخَايَلْ خَدَك عَ خَدّي
ولمّا قَلبَك يكون مِليان تَعَب وأنين
وتِنسى وَجَعكْ لمّا بْتصِير حَدّي
بَعْرف بِحَرْب حُبَّك كان في كتِير مْحاربِين
ويِمْكن أنا بَيْناتون كِنت أَضْعَف جِنْدي
بِنارْ حُبَّك بقِيت وَحْدي أنا سَجين
ليشْ هَيدي النار ما عمْ تُطْفيلي بَرْدي ؟
عُيوني مِش عم يِنْسوا عُيونَك و عَ بُعدَك حادِّين
عمْ يْشُوفوكْ بِعيونْ الكِلّ يِمكن حِكْمِتُن عِقْدة
يِمْكِن يِنْسوا كِل شي إلّا اللّحظة لْكِنّا فيها قَاعْدين
و قِلْتِلي يا عُمْري ليشْ هيك مْبَعِدي ...
©fatima.rk