قتلني الشوق ووجع الحب
وخبّيت القلب على جنب
ولما دعيت وقلت يارب
لقيت الراحة بتتصب صب
دمّرني الفراق والبعاد
ومات الحبيب أو يكاد
الجرح انتشر وزاد
وجهّزت العُدّة والعتاد
علشان أحارب وأبقى سيد الأسياد
وامحي كلمة الفراق من قاموس العباد
سؤال أبسط من البساطة
مش عايز لا شِعر ولا لباقة
ليه الفراق والهجر
وليه افترسنا زي الصقر
يموّت القلوب ويمشي
وعمره ما بيروي عطشي
ويطوّل مسافة سفري
وأنا رايح أجيب عمري
يا ناس الحقوني
قلبي مات يلّا كفّنوني
وهتلاقوني لوحدي وبطولي
ولما حبيبتي تيجي قولولها قولي
دا كان عشِقني وأنا اللي بنيت سوري
بيني وبينه وسمّاني حوريّة الحوري
كلام العاشقين والحنان والحب
طلعوا ف الآخر كدب ف كدب
والكل يدعي ويقول يارب
ابعدهم عنّا وكفاية ألم وكرب
🕊🌹محمد هاني«غنيم»🌹🕊
©mohamdhany
A