والله القسم لوجيت
ماردك وان فيني غويت
مادمت لك حبيت
والحب حي عمره مايموت
لك كل شي اعطيت
ماتشتي وبالغالي فديت
والروح لك اهديت
دون للي غنايم لك تفوت
حتى وأن سويت
ماسويت ما فيني نويت
شليت او حطيت
من قدري حديثي والسكوت
عنك ولا تخليت
عن مبداء وبالمبداء بديت
مادام قد حليت
في قلبي وخليت البيوت
عامين لك ضليت
ادور لك وسأل كل بيت
ون جيت ون وليت
يامنجه ويا فرسك وتوت
ان قلت لي عديت
ضرف الحب وللي له هويت
والان قد لك كيت
لاتذكر ولا عادك كيوت
ماصدقك لوريت
قلت الشمس توقف لومشيت
وان لها غطيت
واضهرته بوادي حضرموت
لديت لي ما. ديت
لو تحلف وتحكي ماحكيت
حتى لو اتخليت
تبقى انت مئوى لي وقوت
والله لو رشيت
صنعاء ماء ودهنته بزيت
وقلت لي صفيت
من اجلي معاصير الزيوت
وقمت وتوضيت
في وقتك وقدامي دعيت
وبالغلط صليت
نحو القدس من غير القنوت
وعدت ماسميت
تضنيني وما هم من ضنيت
وبالقلم خطيت
رسمك فوق بيت العنكبوت
وبالجفاء شفيت
بي الأعداء وبالصد مانتهيت
شهرت بي وسكيت
عند هل المعالي والبشوت
لانَّ قد ابليت
في حبك وعادك مابتليت
حتى وأن صديت
تبقى انت زري والرموت
والعفو ان شكيت
ماشكي سوى فيه احتميت
وان ترى ياليت
تعمر بيت في وسط الخبوت
ماغيرك اتمنيت
من قلبي ولا قد فديت
من كلهم قفيت
إلَّا عنكِ يابنت البنوت
قلمي راعي القصيد
الشاعر ابو طلال المعلم
©alshaur.ab
A