الورد والهواء
الورد كان مستنى الهوا
فالهوا جه ونسم فالورد اتبسم
من فرحته فضل يحكى ويتكلم
بس الهوا مل واستعجل وقاله كلامنا لبكره يتاجل
الورد انكسف وانحرج صوته انكتم ولا خرج
الورد قلبه بكى بس بيدارى قام قال للهوا بالسلامة يا غالى
بعد ما الهوا فاتوا وراح الورد قفل اوراقه وبكى
دموعه قطرات ندى
فعز وجعه جميل بيتباهى
الفل: راح للورد يواسيه ..............يحضنه يطبطب عليه............. ويقوله ما تزعلش
الهوا بكااااك اكيد مايقصدش
الورد رد ع الفل وقاله الحق مش عليه يا فل عليا انا
انا اللي تقلت عليه وطوووولت الكلام
لو سالنى سوال اجابته كلمة كنت اقووووال موااااااال
فمنى مل يا فل واستعجل
غصب عنى يافل برتاح انا فقربه ومين غيره يسال يا فل لو غبت يوم يجى عليا ويطل
صدقت كلامه لما كان فيا يتغزل وفكرت الهوا ملكى انا وحدى اتاريه بيمثل
فكرت يافل الهوا ملكى انا وحدى ونسيت انه ملك للكل
يروح ع كل وردة يافل وينسم ويبيع كلام الغزل يرقصهم ويقسم
لكن خلاص يافل وعد منى ليك مش هحكى معاه واطول
هعامله عااااااااااااادى زى زمااااان فالاول
R