الي العزيز الغائب ابي
وحشتني
وحشني صوتك في البيت
ووحشني كلامك وطريقتك
وحشتني ضحكتك والغمازه الي بتزبن ثغرك
وحشني زعيق ليا وقت غلطي
وبعدها وانت بتراضي خاطرى
وحشتني ضمتك ليا ودفا قلبك
وحشني سهرنا للصبح في البلكونه
وقعدتنا تحلي بصوت فيروز والقهوه السكر الزياده
واحشني هوا وبحر المكس وانا ايدي ما بين ايدك وبنتمشي
وحشني شط الشاطبي الي يما سمع اسرارنا وحكاوينا انا وانت ومفيش تالت لينا
ووحشتني اسكندريه واحنا بنلفها سوا وتشهد علينا حواريها
ووحشني ردك علي الي يقولك انت مدلعها اوى
وبكل خفه ولطف تنطق تقول اميرتي تدلع براحتها
ووحشني لما كنت اشكيلك من ماما
وانت وبكل مشاغبه وحب تقولي تحبي اغيرهالك
ليه بعدت وسبتني مش قلت هبقالك
مش قلت انك سندى وضهرى
مش قلت انك ملجأي واماني
والحضن الي بهرب ليه من الدنيا
ايوه
ايوه انت قلت كدا
قلت انك هتبقي ليه بعدت وفارقتني
ولكني اسفه
واسفه بشده عن كل الي قلته بعدك مكنش ذنبك ولا ذنبي
دا قضاء وقدر ربنا
خدك مني وبعدك عني
وقالي عيشي الحياه من بعده
عيشيها من غيره
ودوقي مر الحياه في بعده
بقيت عايشه كل يوم في حزن فراقك
بقيت عايشه علي امل انه حلم وهيجي وقت واصحي منه
ولكن للاسف دى الحقيقه الي مش قادره حتي الان اتقبلها
قالو عني مجنونه واي يعني ما يما قالوا
قالوا
مجنونه عشان عايشه علي ذكرياتنا سوا
قالوا
مجنونه عشان دايما حاسه بيك معايا وحواليا
قالوا
مجنونه عشان روحك ساكنه جوايا ودايما. بحكلها وبتسمعني
ميعرفوش اني حته منك
مش شايفين دمك الي بيجري
في شرياني
ميعرفوش ان روحك ساكته جوايا
ميعرفوش انك كنت ومازلت الاول في دعائي قبل ما ادعي لنفسي بكون دعيالك
ياااارب
رجعهولي احضنه لو لمره واحده
او حتي اودعه بضمير
والله ما كتت اعرف ان دا القا الاخير
لسه يااما عليا
اني اعيش من غيره
لسه ياما عليا اني اواجه الدنيا لوحدى
في جمله ستي قلتهالي من فتره يا بنتي البني ادم الكويس دايما عمره قليل
وموتك انت يا ابويا اكبر دليل
وموتك انت يا ابويا اكبر دليل
💔💔💔
©هبه
ه