فاشل ملكش قيمة
كل الناس مش شايفة غير فشلك
وفي نجاحك محدش بيقدر
ولما تبكي يستهزئوا بدموعك
ولما تتعب يقولوا انك خيخة
ولما تزهق يقولوا مالك؟!
ما حياتك اهي حلوة
ولما تكون عايز تتغير مش بتلاقي الي يساعدك
دايما انت الي قدام المدفع
محدش بيحس بيك ولا بيسمع صوت وجعك
دايما تبتسم وتخفي دموعك وحزنك عن اعز حبايبك
دايما بتفتكر أنهم هيفهموك ويساعدوك....لكن محدش بيقرب
يمكن مش بيحبوك ... يمكن انت فاشل فعلا ملكش قيمة
يمكن هما مش شايفين انك حزين
يمكن مش شايفين غير ابتسامة زايفة طول الوقت بتصنعها علي ثغرك
ساعات تحس انك في حلم ومش عارف نهايته ايه
حتي انك مش قادر تحدد إذا كان حلم حلو ولا وحش
ولا كابوس طويل مش بيخلص
مش قادر تشوف حاجة حلوة
وايه الحلو في دنيا خداعة وباردة
كل الي فيها عايشين لنفسهم مش اكتر
دنيا ... الحب فيها زايف
والمشاعر ما بينا وهمية
حتي احنا كدابين
الدنيا دي اكبر كدبة الواحد بيعشها
©dody
D