ماما اتطلقت
ماما اتطلقت وانا سنتين
طفل صغير مكملش عامين
وامبارح فطموني زي ما ربنا قال
مكونتش اعرف ان الفطام ده فصال
عن الوالدين وان هعيش ما بين نارين
ما بين امبارح بقول بابا وماما
والنهارده بيتقلي بابا مات بابا وحش
طفل صغير مش فاهم
ولكن بقول حاضر وهفضل اقول ماما
وكل ما اشوف صوره لبابا اقول كخ
انا الطفل الي عايش في الدنيا ما بين دارين
دار تيته وماما ودار فيها بابا وومنوعه
انا الي امي ربتني علي بابا الوحش
والحلو هي وبس واهلها
انا الزرعه الي كروها في اهلها
انا الي عشت محروم اقول بابا
وانا الي خليت جدو بابا وخالو كمان
انا الي خليت بابا يتمني بس يشوفني
ولكن عند تيته منوعني وحكولي انه وحش
فين الوحش في سنتين مقولتش فيهم غير كلمتين اولها كانت ماما والتانيه بابا وبعدهم ملقتهوش وقولتي وحش
حكمتو علياا بالاعدااام اعيش من غيره
ولما كبرت قولتلي روح لبابا يجوزك
عشت حياتي انه ميت ولما كبرت صحتو
ما هي من الاول الشيله تقيله وانا عارف
ولا كمني عشان هتجوز قولتله يدفع ويجهز
وبعد الفرح والمعازيم رجع تاني بابا ميت
حكمتو عليا من كلمتين واتظلمت ما بين اتنين مجانين
انا كان مالي ان امي اتطلقت
حد يعني كان قالها تتجوز
اطلقتي يا امي منه مش مني
وانا لسه صغير ومتجوز
كان نفسي اعيش حياتي متجوز اب وام
فيها ايه لو دقتين في اليوم اسمع صوته
ولو ساعه بعد المدرسه اروحله
يعني ماما كونتي بتعملي ايه
غير انك 24 ساعه في الشغل وسياني
ولا عارفه حاجه عني حتي في اجازتك بتنامي ويوم الحوار بينا بيبقي كلمتين
هما انا مقصرتش وكل ده عشانك
ابوك سابني ابوك مات ابوك عمل فيااا
عمل ايه في سنين غير انه جابني علي الدنيا وكونت من ضهره لحد ما اموت منه
انا الطفل الي اتبعت بعفش ومهر وقايمه
انا الطفل الي اتخذلت بسبب كلمه
ولما اتسال بابا فين ما اردتش
ويوم ما كبرت ولقيته لقيت نفسي غريب
وبقول بابا وعمو عشان احساسي بيه
ماما قتلته بسبب كلمه
فيها ايه لو نخلي الطلاق ما بين اتنين
وان احنا اتقسمنا نصين
ولكن قصاد الابن احنا واحد
فيها ايه لو نحس بعيالنا
ونسبنا شويه من خنقنا
مش عاوز فلوس وشقه
عاوز بس اب يحميني وام تحضني
و في الاخر ربي هو الي بيحرسني
مش هموت من اكل ولا تعليم
هموت بس من قله التقدير
انا بن المطلقه البايخه
الي حرمتني اكون سوي
وعقدتني في كلمه بابا
انا المعقد من عيشتي
والحاقد علي اسلوبي
انا بن جوازه غلط
عشان مفيش كبار بيعقلو
الكبار في الجوزاه البايخه بس بيخربو
Aya Elmasry📝📝
©ayaayman
A