متصدقيش 💔

كل أصحابك عابوه
أهو غار في داهية وبكرة يركع تحت رجلك سيد أبوه
بس يمكن كان حنين حبتين
بس يمكن كان حنين حبتين
حبتين... حبتين
كان برضوا بيسخف عليكي
كنتي فين ورايحة فين وجاية منين
بس كان بيبان عليه
لما إسمك كان بيجي في الكلام تلمع عنيه
بس برضوا كان سقيل...كان سقيل
مكانش بيقدر ظروفك
كام مرة تقولي مستحيل ويصر برضوا إنه يشوفك
ومتزعليش من قساوة الدنيا وعنادها العجيب
أنا كنت فاكر إني أقوي من النصيب
وكنت بتمصمت علي اللي مكملوش
مين كان يقول إن النهاية تكون فشوش
أنا لسة فاكر وقفتك وسط البنات
فاكر هدومك وإبتسامتك والكلام... حتي السكات
إن كان فراقنا صحيٰ فيكي كام وجع
أنا كل ليلة بدبح م الذكرايات
أنا عندي عقد بخبي فيه كل الحجات
كل القصايد والألم...كل البنات
جيت أركنك جواه رفض...ومكفكيش
ومتزعليش...إن يوم قالولك إنه مش باين عليه أثر الفراق متصدقيش
أنا لما سبتك كل حاجة إتغيرت
ريحة الدكاكين القديمة والشوارع والبيوت
كأني ببدأ من جديد رحلة حياة فيها أو بموت
حسيت...حسيت كأني نهيت حياتي خنقتها
أنا كنت متخانق معاكي وقتها
مكنتش أقصد إني أقولك إمشي مترجعيش
بس إنتي صغيرة مفهمتنيش
الطبع غلاب وإنتي عارفة وكنتي لازم تعزوريني
معرفتش أترجاكي وإنتي بتدبحيني
الطبع غلاب وإنتي عارفة وكنتي لازم تعزوريني
ربونا ع الهيبة وع الحب بقيامة
لما البنت تتقل يوم عليك...بالسلامة
صدقيهم لو قالولك إني عصبي أو فلاتي
وإني بعرف ألف واحدة وقلبي بيغير يوماتي
صدقيهم لو قالولك أي كدبة عن حياتي
بس أوعي تصدقيهم لو قالولك إنه كان كداب معاكي
©salma_69