هدى ضهرى للى راح
هقفل بابى في وش الماضى
وافتح باب مليان افراح
هعاند الحياه لو يوم عاندتنى
اصلى بعشق التحدى
هقفل الباب اللى يجيب الريح ويبردنى
هبقى حره زى الطير
بيطير فى السما عالى
ولا يهمه اذا كان المجنى أو الجانى
هحب نفسي وابطل اخونها
ومن اليوم هصونها
هعيش اللحظات الحلوه لوحدى
واللى ييجى فى جنبى براحته
واللى عايز يمشى من حياتى مع السلامه
مش هاقعد اطبطب عليكوا ماانا طبطبت ياما
ومالقتش منكوا غير الإهانة
افتكرتكوا سد منيع ليا
لكن السد اتهد والفيضان جه عليا
غرقت لكن فى ايد اتمدت ليا
لقيتها نفسى وبتشد فيا
قعدت ساعات مغمى عليا
وصحيت لقيت ولا واحد جنبيا
رجعت البيت والدموع مغرقانى
جريت على اوضتى وقفلت بابى
ورجعت تانى وحداني
وقعدت أكلم في حيطانى
وكل بوستاتى بتوصف حالاتى
ولا يوم حد قالى مالك ولا حتى ايه اللى فى بالك
الصراحه الضربه وجعتنى
بس الضربه اللى مموتتنيش فوقتنى
وصحتنى لقيتكوا كنتوا راسمين ضحكه كدابه
زى رسم باب على الحيطان ولا ليه قفل ولا بوابه
فى وشى تضحكولى
ومن ورايا تخططولى
بس شكرا عرفتونى
أنكم أصحاب نداله
©hiedymalak
H