.
من قلب بطن الجبل
كان الحجر منهار
وصوتو كان عالى
ايه اخرة المشوار
إبنى بيروح هدر
وبلادى ولعت نار
دا الطفل له هيبه
لو مات بإيد غدار
مستنى إيه يا جبل
نادى على الثوار
نادى وقول كلمتك
بلا زل بلا إنكسار
ليه الرجوله انتهت
ومات فينا القرار
أرضنا وسلبوها
واعراضنا يغتصبوها
دى حقيقه بس مرار
يهود وهدو البيت
وولعو بكبريت
ف كبار كمان وصغار
لا رحمو شيخ ولا أم
وعيشه هم وغم
والعقل بقى محتار
مستنى إيه تانى
دا الظلم لو جانى
هاوطى للتيار
أوطى أعديها
واستنى بعديها
إن الشرف ينهار ؟
دى قصه ومسبوكه
وافواهنا مسكوكه
ونكرنا حق الجار
أنا امى دى غزه
معروفه بالعزه
فوقو وبلاش اعذار
من قلب بطن الجبل
كان الحجر منهار
©ashrfselim
A