لي هاجسن في لازمي حي طاريه
يقدح بجزل الشعر وعلومه اعلوم
وبديت قافي لجل ابوي ومعاليه
فراسة الشاعر بالاذواق ملزوم
ياحي من باالطيب محدن يجاريه
ابوي عز اللي من الوقت مضيوم
ابوي ريف القوم واللي مناجيه
هذا سما الطالات ومشبر السوم
يابوي واجهنا الزمان وبلاويه
غير النشاما بالزمن تاكل اهموم
لكن تعدينا الملام ومشاريه
صبرت بالدنيا وانا اطيح واقوم
ليتك تشوف اللي بغيابك نحاتيه
اناطح الصكات ياجعلها القوم
ياجعل حضي مقبله مثلما ابيه
وفرّج علي يارب ياحي قيوم
من غبت ماتغير مكانك ونجيه
على حطتك يابوي باقي ليا اليوم
امر من غرفتك والصوت اوطيه
بشويش خطواتي ماودي اتقوم
اخاف تسمعني ونومك تجافيه
ولا تضن بخاطرك عندي اعلوم
ياسرع عدا الوقت وحنا نعديه
وراحت بنا ليام يومن ورى يوم
وحنا على منهجك ابد مانخليه
احرار في هداتنا نكسر الحوم
كله بمجهودك وكل ماتسويه
ياعزوتي يابوي ومشبر السوم
فعلك ينومسني ولي الشرف فيه
ماهو بنا بس افتحر تفتخر قوم
شبلك مواريده على العد صافيه
ماتلحق افعالي هل النقد والوم
اسمك تخلد والمخاليق تطريه
صيتك وتاريخه مع الناس لا اليوم
وجهك يذري القوم ويجير ناخيه
مذكور من طيبك مع كل زيزوم
مرحوم يللي الطيب دايم تسويه
مرحوم يامنصا لجاويد مرحوم
فزاع الحارثي
كلماتي تعبر لجزالتي
اكتب لجميع المناسبات حسب طلبك
وتسجيل الشيلات بمختلف الاصوات
ولدي اعمالي الخاصه تقييم جزالتي ومستواي
قناتي بصوات كبار المنشدين على الساحه
وشيلات صوتيه بمختلف الاصوات منوعه بسمي
قصايد مكتوبه منوعه من كلماتي
اسمع وقييم بنفسك
لطلب واتساب
0552482240
©fazaa
F