تجاعيد

تجاعيد
علامات في ووشنا بسيطه وليها تاثير
كل ما بنكبر بتكبر معنا
اوقات كتير مبنشوفهاش
تجاعيد في ووشنا الجميله
علامات حلوه لذكريتنا
تجاعدنا الخفيفه والخفيه
باينه في ملامحي وفي جروحي
تجاعيد عدي عليها الزمن
تجاعدنا هي كل نظره لعمرنا
هي حاضرنا وماضينا ومستقبلنا
تجاعدنا مش بس من بره علي الوشوش
تجاعيد جوه قلوبنا وجوه العقول
لما ابص في شكل ايدي بتفكر امبارح
عشان مكنش في كرمشه ولا كشكشه
كل كرمشه ايدي هي عمري الي فات
بحب اشوف الخطوط البسيطه فيها
كل خط بذكري وحكايه
اول خط وصلتله كونت في عمر الاربعين
ساعتها زارني احساس حلو اني بكبر
وهو كان اول واخر خط اشوفه وعده
فاتت سنين من بعده وزادد الخطوط
ولكن مفرقتش المهم ان خلاص بكبر
بس في مره زعلت ويمكن اكون عجزت
شوفت حفيدتي بتبص علي ايدي وايدها
رجعت بالعمر ويكمن اكون رجعت لسنها
احساس غريب هو خلاص انا عجزت
نظرتها مكنتش عديه كانت فيها وجع
عشان لاول مره اعرف اني كرمشت
عدي الموقف وعدي العمر
زادد التجاعيد وبقت في كل حته
لكن لسه شكلهم حلو و بيعجبني
كل تجعيده وكرمشه بذكري
اول كرمشه كانت تحت عيني
حسيت اني خلاص لازم احط كحل
ايوه كحل عشان يوسع العين وافتح
اصل عمر ما قلم كحل لمسني
كونت دايما بحب ملامحي
وعلي طول بقول مريحه وشي
كونت احب امشي حلوه بشكلي
ولا تقولو فرح ولا مناسبه هو انا كده
بحب شكلي وملامحي
عشان يبقو صوره لما اكبر
واهو النهارده كبرت ولسه حافظه شكلي
كونت حلوه وزي القمر
وكانت عيني علي طول مقفوله
ولكن ابدا مش هيزورها كحل
وحتي في عز البرد كان شفايفي تتعبني
وبرضو هو مبدإ من غير ولا كحله ولا زبده
وجايه بعد العمر افتكر واضحك
عشان كونت حلوه ولحد دلوقتي
مش لسه في علامات بتفكرني بيا خلاص
حتي شعري تجاعيده بانت وابيض
مش مهم ما هو لازم طول العمر تاثر
واثرها حلو وكل ايام مبتنسيش
وزي ما في تجاعيد من بره في جوه
ايوه ده انا من جوه يمكن اكتر بكتير
واول حاجه قلبي جعد وعجز
كان زمان يدق كل ثانيه دلوقتي بقي براحه
وكمان مبقتش بحب ولا بحس بماشعره
ما خلاص الراجل مات واخد كل الحب معاه
وعقلي عجز من كتر التفكير والمشاكل
والذاكره خلاص راحت واتمسحت
مبقتش افتكر حاجه من زمن النهارده
كل الي بفتكره هو امبارح وبس
اصلي مفيش احسن منه ولا من ايامه
والمعده داقت مبقتش تاكل
ولساني اتخرص مبقاش ينطق كلام
والعضم كله اتشل من قله الحركه
كل حاجه كرمشت عدي عليها الزمن
ومتسالونيش عن النظر عشان عميت
اصلا انا مبشفوش من زمان
يعني هو انتو عاوزيني بعد العمر ده اشوف
ده راح من عمر فات
من دراسه وقاعده علي الماكنه وعيال
ياااااااااااه هو انا عجزت كده
يلا خلاصه العمر والكلام
حافظو علي ملامحكو وتجاعدكو الجميله
خليكو زي من غير ولا كحله ولا روج
ريحو وشكو وملامحكو الربانيه
خليكو زي جوه من غير مكياج
عشان لما تكرمشو تكونو حافظين شكلكو
خلي مكياجكو ايامكو واملوها بذكريات
علي قد ما تعيشو احفظو الايام والذكريات
عيشو بالروح الحلوه عشان الشكل مروح
ويلا بقي المسو ايدكو ووشكو
حسو تجاعيدكو بايدكو ونفسكو
وسلام لحسن بنام
وكويس ان عرفتكو وقولتكو كلمتين
وكويس ان عرفتكو وقولكو كلمتين
AyaElmasry📝📝
©ayaayman