ياوتـين القـلـب قلـبي ضـمـت شريانه
فـاقـد عيونك وصوتك ولمس كفوفك
وعينـي اللي طالـت ايـامـهـا سـهـرانه
في غـيـابـك ودهـا كـل يــوم تشـوفك
ادري ان الـيـأس دونـك بـنـا جـدرانـه
بس مدري كيف اجنّب عنَك واعـوفك
والله ان الـروح لـمـواصـلـك شـفـقـانه
والمشـاعـر يالغـلا كـل يـوم ضـيـوفك
انت نبض القلب واحسـاسه ووجـدانه
وانت امل عمري لو اشقيتني بظروفك
في بـسـاتـيـن الــغــلا وردتـك رويانـه
بالوفاء والحـب فاحـت علـى ملهوفك
يا رحـيـق الـورد وعـطـوره وبـسـتـانه
كل مـا ذعـذع نسـيـم الربـيـع يلـوفـك
فيك من وصف الظبي فطنته واعيانه
كن ربي خالـق اوصـافـه من وصوفك
ابـتـسـم لي بسمة عيـونـك الخـجـلانه
ودي اشفي عيني اللي نظرها يحوفك
اسكـن بقـلـبي وقّـفـل جـمـيـع اركـانه
الخفوق حمايـتـك والضلـوع سيـوفك
ياجـواب الشاعـر اللي سـبـق عـنـوانـه
تدري اني فالقصيده رسمـت حـروفك
احتـفـظ في حـبـنـا لا تجـف اغـصانه
قبـل ما يـذبـل وتـكـثر عليه حسـوفك
©abuaziza
H