يامن جهل حر الفتن واعقابها
نار حمرا شديده ماحدآ يشتاقها
با تجيك المصايب محزنه ياشبابها
باتجيك اخبارها واحوالها واهوالها
باتشوف الليل ساكن في جميع ارجائها
باتلعن الشيطان وتلعن من جابها
باتعيش الدهر مقهور مغبون من اتعابها
باتعيش خايف مشرد وحالك يرثا لها
لابد ياصاحبي ماتذكر الراحه وايامها
وتعرف عدوك من صديقك با اشوارها
ومن كان مخلص لك ابعدك قبل اوجاعها
والي شاورك بالشر باعك للفتن واشعابها
ياصاحبي قدر رجال الصدق واتعابها
وانظر نظر فارق بين الحال واحوالها
وحب خد الوفي الي بين لك اسرارها
وجنبك شر المهالك وقفل عليك ابوابها
واشكر شوير الشر ذي طمس عليك اهوالها
وجلدك بالمواجع وزيد عليك اسبابها
ياصاحبي وقت الشدايد الرجال تدرى بها
انصحك لا تشاور بخيل ولا تشتكي ل انذالها
الرجال الصادقه والمخلصه لله انصى لها
واحذر الدنياء لا تغرك اطماعها
سير بين الناس جابر للقلوب لاتزيد اوجاعها
ومن رجاك وحمله ثقيل لا تتركه ل اثقالها
خفف عليه وشيل من حمله بقدر حمل اكتافها
واعمل امام الله لا تظلم الناس با اعمالها
كن مع الناس صادق واتكي بالصدق في ديوانها
والتواضع خليه مالك تشتري قلوب الناس واكبادها
كلمات خالد الاكوع تحياتي
©khalid7760
K