📖আই লৈ চিঠি🖋️

দিনাংক
০১-০৫-২০২৪
বুধ বাৰ
মৰমৰ,স্নেহৰ পূজনীয় আই,
প্রথমে মোৰ ছালাম গ্ৰহণ কৰিবা,মোৰ হৃদয়ৰ পৰা জনাও তোমাক সহস্ৰ প্ৰণাম।
আজি বহু দিন তোমাক দেখা নাই অ আই বাৰুকৈ মনত পৰিছে।কোনেও নামাতে আই
সোণটি ভাত খাই যা বুলি, কাপোৰযোৰ লেতেৰা হৈছে,
খুলি ৰাখ ধুই দিম বুলি কোনেও নকয় আজি।
মা ও মা তুমি ভালেই আছোনে?
মোৰ হেজাৰটা দুখ লুকাই দেউতাৰ গালি শুনি মোৰ অভিমান ভঙা স্নেহী ইয়াত যে কোনো নাই।
মোৰ মিছলীয়া আই!মোৰ সুখত নিজক দোষী বনাই,ভোকত থাকি মোক খুৱাই মিছা খঙেৰে অভিমান লুকাই সান্তনা দিয়া আপোনজনা এই বিদেশৰ মাটিত কোনো নাই।
মা মই আজি টকা আৰ্জীৱ পৰা হলো, ভাত বনাই খাব শিকিলোঁ নিজৰ কাপোৰ নিজে ধুই সোনকালে উঠিব শিকিছোঁ। এলাহ গুচি গ'ল মোৰ
মই তোমাৰ মিঠা গালিবৰ আজি অনুভৱ কৰোঁ।যিবোৰত বিৰক্ত আছিলো সেইবোৰ যে মোলৈ মৰম আছিলে সেয়া আজিহে বুজিছো ও আই।
পৃথিৱীৰ শ্ৰেষ্ঠ নাৰী আখ্যাৰে মাক যে বুজায়
এতিয়া হে অৰ্থ জানিছোঁ। মা মোলৈ তুমি স্ৰষ্টাৰ শ্ৰেষ্ঠ উপহাৰ,তুমি মহীয়সী মহান।
মোৰ অগতেই তুমি নাজাবা গুচি মোক এৰি,
আল্লাহৰ ওচৰত মোৰ এয়াই মিনতী ।
তুমি জীয়াই থাকা কুশলে থাকা
মোৰ জগতজননী।
ইতি
তোমাৰ মৰমৰ সোণটি
💞💞💞💞💞💞💞💞💞💞💞💞💞💞💞
আব্দুল মজিদ 🖋️
©AbdulMazid