🌹 बंध रंगाचे 🌹

तुझे मन मातीचे,माझे भोळे सखी,
तु रंग सावळा ओढ़ला कधी?
तुझे स्मितहास्य मोहणारे,ऐ तेजस्विनी,
हा गुलाबी रंग,ओठांवर चढ़विला कधी?
पांढर्‍या रंगास आहे,तुझी वेडी माया,
तुझ्या यौवनाला,हे कळले कधी?
तुला स्पर्शीणारा,तो रंग जांभळा,
तो आज आनंदाने,बहरला किती?
तुला शोभतो रंग,गडद नीळा,
बेधुंद सागराचा,तु रंग नेसला कधी?
तुझ्यावर फु्लला,अविरत रंग हिरवा,
हा वसंत नवा,अवतरला कधी?
खेळितो खेळ,तुझ्याशी रंग पिवळा,
का लाजते हळुच,तुझ्यातील नवरी नवी?
काळया रंगाची तुजवर,प्रेमळ सावली,
ती तुझी संगीनी,बनली ग कशी?
भगव्याने उमललीस,तु कळी सारखी,
किती गोड़ दिसतेस ग,माझे लाडके सखी,
नजरकैद झालो,तुझा श्रुंगार पाहुनी,
कसे रंग उधळलेस माझ्या मनी?
तुझे हृदय चंचल,हळवे करूणामयी,
मग सांग मजला ऐ स्वप्नसुंदरी,
माझा रंग,तुला ग कळणार कधी?
🥀अभय ना.ताकसांडे🥀
©abhayt