Ngemi nî inya cia kairetu,
Îni kairetu njorua,
Kairetu kahootani.
Nî mûthenya mwega ma,
Kehumbîte matoonyo ma ûtoria,
Tondû nîatoretie gîthoomo.
Tûtingîriganîrwo nî mbaara nene arûite nama,
Ûtukû ûtarî toro, nduma îiyûire nganja,
No akîrûgama na ucaamba, nginya agîtoria.
Rîmwe gûoya wanaingîra,
Nganja ikaya kûmûhobanîria,
No mau mothe matinagiria egwatîre,
Wairimû nîatoretie,
Ti tondû njîra irarî hûthû,
Kana rûgendo rûkahûtha,
Nî wendo wa aciari, andû a nyûmba,
Na arata.,
Wîrutîri, na kûûmîrîria
wendo wa Ngai,
Hamwe na kûmenya harîa arongoreirie gûthîî
Haha no kîambîrîria,
Rûcio rûiyûire magegania,
Thî nîyagwîta na rîtwa,
Kîmûrî gîaku nîgiakana,
Makînya makû nîmehanda,
Ambararia mathagu maaku...
Rûciû nî rweega
wî mûtoria...
©gerishon
G