🌹 दृष्टी 🌹

वाचले का शब्द माझे,जे कधी लेखणीतून उतरलेच नाही,
पाहिले का रक्त माझे,जे कधी मी सांडलेच नाही,
पाहिले का स्वप्न माझे,जे कधी नयनी अवतरलेच नाही,
पाहिले का डंख माझे,जे कधी मी मारले च नाही,
पाहिला का कंठ माझा,जो नीळा रंग कधी मी गीळलाच नाही.
पाहिले का आद्र नेत्र,मी कधी पुसलेच नाही,
पाहिले का भाव माझे,जे कधी चेहर्‍यावर उमटलेच नाही,
पाहिले का घाव माझे,जे कधी भरलेच नाही,
पाहिले का वस्त्र माझे,जे कधी शिवलेच नाही,
पाहिले का अन्न माझे,जे कधी शिजलेच नाही,
पाहिली का ज्योत माझी,जी कधी प्रकाशीत झालीच नाही,
पाहिले का स्पर्श माझे,जे कधी शहारलेच नाही,
पाहिले का देह माझा,जो मी कधी पाहिलाच नाही,
पाहिले का अंतरी,जे हृदय कधी गंधाळलेच नाही,
तु सदा ते पाहिले,जे कधी लपलेच नाही,
झुगारून बुभुळांची आर्त शर्त सख्या,पाहशील का तु बिनशर्त आता,फक्त एका प्रणया क्षणी, कोपर्‍यात, दडलेल्या पाऊल खुणा.
🥀कवी:- अभय ना.ताकसांडे🥀
©abhayt