🌹एक कविता प्रेमाची 🌹page-1

तुझ्या माझ्या स्नेहाची,
एक कविता प्रेमाची...
स्वप्न चंदेरी दुनियेची,
मोहक मृदुल स्पंदनांची,
नाजुक कोमल हृदयांची,
अबोल निर्विकार वसणारी,
मनाला हळुवार स्पर्शणारी,
तुझ्या माझ्या बंधनाची,
एक कविता प्रेमाची....
थंड सुगंधी चंदनाची,
प्रेमसागरी भोवर्‍याची,
आकाशी उडणार्‍या पाखरांची,
वार्‍यासंग झुलणार्‍या पानांची,
बेभान वाहणाऱ्या सरितेची,
ही वाट आसमानी यात्रेची,
एक कविता प्रेमाची....
गोड़ गुलाबी पाकळ्यांची,
गगनात चमकणार्‍या तारांची,
खेळ खेळुनी नक्षत्राशी,
थंड़ झुळूक ही रात्रीची,
सागरी उधाणलेल्या लाटांची,
तुझ्या माझ्या विरहाची,
एक कविता प्रेमाची...
मायाळू अधीर नयनांची,
झाप घेणार्‍या पापण्यांची,
घनदाट रेशमी कुंतलाची,
रेखीव काळया काजळाची,
नर्म मखमली गालांची,
रासरसत्या ओठांची,
निखळ स्वच्छ काळजाची,
मनी झिरपनार्‍या भावनांची,
तुझ्या माझ्या आसवांची,
एक कविता प्रेमाची...
मीठीत जळणार्‍या यौवणाची,
ओठी विरघळनार्‍या साखरेची,
उरी साद घालते प्रणयाची,
लोचनी साक्ष आतुरतेची,
मनोकामना एका भेटीची,
एक कविता प्रेमाची...
ही नाळ आगळी देहाची,
जणू आस लागली देवाची,
तुझ्या माझ्या स्नेहाची,
एक कविता प्रेमाची..
🥀अभय ना.ताकसांडे🥀
©abhayt