💯❌কিছু প্ৰশ্নৰ সন্মুখ⁉️

অ হয়....!
মোৰ সপোনবোৰৰ জানাজা কৰোৱাইছোঁ!
কিন্তু বহু নিৰৱতাৰ অন্তত আকৌ
অসহায় হৈ ছটফটাই থকা
এটি নিশা উচুপি
বৰষুণ জাকত লুকুৱাই
সমাধিস্থ সপোনৰ অৱশিষ্ট বিচাৰি
মুক্ত আকাশলৈ চাই সুধিছিলো
অবান্তৰ নহয়!
কিছু হৃদয় প্ৰশ্নৰ উত্তৰ বিচাৰি।
কিছু প্ৰশ্নৰ সন্মুখ!
বাস্তৱ!
মই বৰ কঠিন
মূৰ্ছা নাযাবা মোৰ মুখামুখি হোৱা,
সাফল্য পাবা!
সপোন
মই বৰ ৰঙীন কল্পলোকত মোৰ বাস
দিঠক মই নহওঁ সহজেই
মোৰ ঘৰ যে ছলনা বলিত ভাঙে!
বিশ্বাস
মই বাস্তৱ মই চিৰন্তন সত্য
লোকোমনত মই নাথাকো সহজে
মোৰ ঠাইত সন্দেহ ৰাজত্ব কৰে,
বহুজনে মোলৈ আকৌ হেজাৰ অট্টালিকা গঢ়ে!
অতীত,
মোক এৰা
বিষে ভৰা অভিশাপ মই
আবেগ অনুভৱে ভৰা,
বৰ্তমান,
মোলৈ আগবঢ়া
সিদ্ধান্তৰ মই শুদ্ধভুল ৰাস্তা!
ভৱিষ্যত,
মোলৈ নাচাবা!
মই অমাৱস্যা মই পূৰ্ণিমা,
আমি তিনিও পাজল জীৱনৰ;
ভাৱাৰ্থ বুজি ল'বা!
জীৱন!
মই স্বপ্নিল মই ৰঙীন
কুলসিতও মায়াৱীও
অলেখ ভাৱাৰ্থৰ সৈতে মই
বুজিবো নোৱাৰা এক সাঁথৰ!
ভাৱনা!
মই বৰ গধুৰ পৰিধিও বিশাল মোৰ
বাসবিহীন যে নহয়
মহানিদ্ৰাত জানাজা মুখাগ্নি
মোৰ যাত্ৰাৰ হয় অন্ত!
দুঃখ!
মই নিৰাশ্ৰয় লোকত অপ্ৰিয়
সুখ নামেৰে দৌৰে লোকে
প্ৰতাৰণা চকুলোৰ পিছতো
মই হৈ থাকো ঘৃণনীয়!
সময়ক সুধিছিলো
মোলৈ অলপ ৰৈ নিদিলি কিয়?
তই ৰলেইচোন...!
সময়!
মই নিৰবধি মই চলন্ত
নাই তৃষ্ণা নাই মোৰ ভাগৰ
পুৰাণ যাবো নতুন আহিবো
হ'ব যুগৰ পৰিৱৰ্তন,
জন্ম মৃত্যু কেয়ামতেও
মোৰ গতি একাধাৰ!
মোৰ তালেৰে চলিলেই
সকলো সমস্যা হয় সমাধান!
ভাগ্য!
ভাগ্য বুলিলে একো নাই
কৰ্মই জীয়াৰ মূল উপায়
দোষ গুণ নিজতেই
ল'ব লাগে সময়ত উলিয়াই।
⁉️⁉️⁉️⁉️⁉️⁉️⁉️⁉️⁉️⁉️⁉️
📙আব্দুল মজিদ✍️
©abdulmazid