Paida hone par khud ka dard bhula kar aanchal se lagane wala dudh hai maa
Khelte khelte chot lag jaye tab us par lagane wala pyar ka marham hai maa
Galtiya karne par bachche ko dant kar khud rone wala aansu hai maa
Bukhar aa jaye to sirhane bethkar puri raat jagkar badalne wali mathe ki Patti hai maa
Main kitna bhi bigad jau par fir bhi mujhe laad ladane wali Mamta hai maa
Khud bhukhi rahkar mujhe dono waqt khilane wali roti hai maa
Bade hone par bachcho ki galiya sunkar bhi use dekhkar muskurane wali muskan hai maa
Khud kitna bhi dukh sah le par bachcho par aanch na aane Dene wali chhanv hai maa
Khud gile me sokar mujhe sukhe me sulane wala bistar hai maa
Meri hazar galatiya maaf kar mujhe sine se lagane wala aalingan hai maa
Bhul jata hai bachcha maa ko yun hi bina baat ke par fir uske lotne ka intejar karne wali aankh hai maa
Khud bachche ko maar leti hai gusse me kai baar par duniya se lad Jane wali talwar hai maa
Kya kya kahu maa tere liye ,tere bina ye sansar adhura hai, jivan ko likhne wali sutradhar hai maa
©04shivanya
I