Maa mujhe yeh bata tu yeh kaise kar leti hai,
Dil tera rota hai,
fir bhi muskura kaise leti hai.
Mujhe chain ki neend sula kar khud kaise jag leti hai,
Maa mujhe yeh bata tu yeh kaise kar leti hai,
Mujhe khana khila kar,
khud bookhi kaise reh leti hai,
Beta tu kha le mera mann nahi hai yeh kaise keh deti hai.
Maa mujhe yeh bata tu yeh kaise kar leti hai,
Khud ke sapno ko maar ke,
Mere sapne pure kaise kar deti hai,
Khud sade kapde pahn kar mujhe jilmil sitaara kyu bana deti hai.
Maa mujhe yeh bata tu yeh kaise kar leti hai,
Maa tu toh maa hai fir bhi baap ka farj kaise nibah leti hai,
Ghar sambhalne ke saath daftar ke kaam bhi kaise seekh leti hai.
Maa mujhe yeh bata tu yeh kaise kar leti hai,
Apni paario ki kahaniyo mein duniya ki burai mujhe se kaise chupa leti hai,
Maa mujhe yeh bata tu yeh kaise kar leti hai,
Khud bukhar mein tappti hai,
Fir bhi meri fikr kaise kar leti hai,
Mein hamesha tere zahn mein rehti hoon,
Itna yaad mujhe Kaise kar leti hai,
Maa mujhe bata tu yeh kaise kar leti hai,
Maa tu koi yodha toh nahi, fir bhi meri dhaal ban ke duniya se kaise ladd leti hai,
Maa yeh daao- pech ki tyaari kaise kar leti hai.
Maa mujhe yeh bata tu yeh kaise kar leti hai,
Maa mere liye tu itna sab kuch kaise chal leti hai,
Maa tera yeh paricham mein varth jaane nahi dungi,
Tu meri dhaal bani hai na,
Mein teri talwaar banke digkhaugi...
©shrutid
S