Ghazal
Diya Padharesa
Nigahon se teri ojhal si hoti ja rahi hun main
Jigar mein aansuon ko bas samoti ja rahi hun main
Mujhe likh kar kahin mehfooz kar le tu mere shaair!
Teri ghazlon se aur yadon se khoti ja rahi hun main
Jo gham tune diye mujh ko wo kaise bhool sakti hun
Bas unko yaad kar kar ke hi roti ja rahi hun main
Tujhe khona meri qismat tujhe paana meri chahat
Isi khatir likhi qismat ko dhoti ja rahi hun main
Diya mujh ko nahin ab gham jalaa de chahe ye aalam
Usi ke gham mein jal jal kar hi khoti ja rahi hun main
P