🥀মৰম বিচাৰোঁ মাথোঁ তোমাৰ 🌹

প্ৰেমত পৰিব খোজা নাছিলো তোমাৰ!
তথাপিও বন্দী হৈছোঁ তোমাৰ মায়াত,
তুমি কিয় সঁহাৰি জনালা মোৰ প্ৰেমক
তেতিয়াৰপৰাই আজিও মই
আনমনা মাথোঁ তোমাৰ নামত।
তুমি মোক কিয় ভাল পালা?
মোৰ টোপনি লৈ যোৱা তুমি
মই একোয়েই নকওঁ
কিন্তু মোৰ সপোন ভাঙি নাযাবা তুমি
জীয়াই থাকিবলৈ মোক স্তব্ধ উশাহ দিয়া
তোমাৰ অবিহনে উশাহ লওঁতে
বৰ কষ্ট হৈছে মোৰ
জীয়াই থাকিব নোৱাৰিম মই,
মৌন হ'বওতো নোৱাৰিম তুমিবিহীন,
তুমিহীন কেনেকৈ থাকিম এই ধৰাত?
তোমাৰ বুকুতেই যে মই
চিৰদিনলৈ মৌন হ'ব‌‌‌ বিচাৰোঁ!
তোমাৰ কোলাত মূৰ থৈ
সপোন ৰচিম নকৈ
তুমি মৰমেৰেই হাত বুলাই দিবা
গুণ গুণ সুৰেৰে গান শুনাবা
তোমাৰ স্নেহেৰে স্নেহাৰ্দ্ৰ হৈ
টোপনিত যাম মই
সপোন ৰচিম বহুতো আলফুলীয়া।
কিন্তু...!
যদি তুমি সপোন মোৰ ভাঙি দিয়া
কেতিয়াবা?
এবাৰৰ বাবে মুমূৰ্যুৰ সময়ত
তোমাৰ বুকুত মোক সাৱটি ল'বা
মাথোঁ এবাৰ!
অন্তিম পৰশ লৈ তোমাৰ
অসীম শান্তিৰে যাম মহানিদ্ৰাত।
প্ৰেমত পৰিব খোজা নাছিলো তোমাৰ
তথাপিও জানা!
আজি বলীয়া প্ৰেমত
মৰম বিচাৰোঁ মাথোঁ তোমাৰ।
📕4/3/2017✍️
©abdulmazid