كل شيء يا حبيبي مات
وانتهي عهد الآلام
وهنسي كل الذكريات وانساك انت كمان
وهبتدي اعيش الحياة
واقابل ناس جداد واحب مرة كمان
واعيش الي فات مع حد تاني يحسسني بالأمان
وهمحي كل الكلام الي قولته في يوم لعينك
وابكي علي عمري الي ضيعته في هواك
الحب ايه غير غباء خلاني افضل معاك
والحنين ايه غير خداع رجعني للجراح
وانت ايه غير كداب وهمني بحبه ليا
والدنيا ايه غير دوامة بتلف بيا وترجعني لنفس البداية
والاماكن كلها صور لذكرياتنا وايامنا الي عشناها
وانت مين ؟
انت الي حبيته؟!
ولا شخص جديد
ولا يمكن كنت نفس الشخص بس انا الي اتعميت
اديني فتحت وشوفتك وبكيت
يمكن حبي ليك كان أثره كبير فعماني عن حقيقتك وعن كدبك وعن خيانتك وعن قرفك وسواد قلبك الي ماليك
كان نفسي لو في حاجة حلوة تخليني اتمسك بيك
لكن مفيش
انت كلك وحش الحلو فيك منعدم
ولو فيه فيبقي عامل زي البرد يومين ويروح
وانا كمان رايحة ومش راجعة
هرجع ليه لشخص مقرف زيك
دوقت قرفك وكدبك وحرجك واكتفيت بيهم
مع السلامة يا الي كان نفسي اكمل حياتي معاه
©dody
D