Putu jenti süia oaka nüknarar tejen makümer
Tasü aküm ayongjia kecha metsubui ajanga aotsü.
Senti perem den metemdangtsü makok, azülüa maoba naro
Alima nüngjang petinu tatem tonga ni kü nüknarar den aotsü.
Tzü tasüngtet ayongküm kong nüburtem tzüra atemer
Ne raburasa kodaklar sempet tsüla ola kongki den apidangtsü makok.
Alima tobur medem,anogoshia süngdi tzüpen ni penzür
Mopung tesashi aruaka, tatem tonga nüknarar temeim noktaktsü.
Anogotem süitema aor, nüknarar nükzü kodanga makonger
Nüknarar temeim agi alima ajak alizüktet saka amajok.
Temeim liaka oh! Ku molung naro ana lenbuyim masü
Mangli sangwali lima taktsüka penzüdang akümliri ya tiatsü no?
Tobur tajung nüknarar naro toktsür aotsü kü molung tip matemer
Ni kü nüknarar molungraseta iba akümlir wadang toktsütsü.
Nüknarar temeim ayongküm nungi dang molungraseta penzüdi
Oh! Ku nüknarar ayongküm atenerbo nüktzü tako malitsü.
Sunep Jamir
©marjamir
M