पिया की राह में।

खुशी से हो गईनी हम विभोर मोरे राजा जी
मारऽता ई बतिया दिल में हिलोर मोरे राजा जी
कि अबकी सावनवा में तू घर जब अएबऽ
गोड़वा में मोट पायल आउर हसुली बनवएबऽ
राखत बारऽ केतना-२ तू हमर ख्याल मोरे राजा जी
मारऽता.............................मोर राजा जी।
जलऽदी आ जा अब न करऽ तनिको अब देरी
शिव के दरबार के घुमेके बा हमरो कए फेरी
होईएन शिव हम पर-२ बहुत दयाल मोरे राजा जी
मारऽता............................... मोर राजा जी ।
घरवा के हर कोनवा इ सुना सुना बहुत बुझाला
छोड़ के बलम मोरे जब कहीं तू चल जाला
एकही किलकिड़ीया से-२ हो जाएब नेहाल मोरे राजा जी
मारऽता ई बतिया दिल में हिलोर मोरे राजा जी
खुशी से हो गईनी हम विभोर मोरे राजा जी
मारऽता ई बतिया दिल में हिलोर मोरे राजा जी ।
©anuragrahi