NYANDURI : SIR TJ
Makore awanda ndichikutsvaga asi pedo neni hausvike.
Inga ziya ndinobuda wani sezvinoitawo vamwe.
Nhamo ndikare ndakatanga nayo,asi zvakadaro iwe rugare haubatike.
Zvakanzi rugare tange nhamo ndikazviteerera.
Nhasi zvaramba kushanda izvi zvoita semanyepo.
Nhai rugare unondinyepudzireiko kudaro?
Unondiswedera pedyo semhute.
Ndikati ndikupfumbate wobva wanyangarika.
Ndinokuona uchinyemwerera uri kwevamwe.
Chiiko chandakakuita chakakugumbura kudaro.
Dai ndaiziva muripo waunoda ndaisva ndakupa.
Raramo yaunondisiya ndiina nhamo ini haindivaraidze.
Zvandinodya nezvandinopfeka hazvivaraidze zvachose.
Chindidawo kani semadiro awakaita vamwe ndigofarawo.
Ndaparara nechishuwo chekuda kuvanewe zvachose rugare.
Chiuya upinde mandiri semweya wekufema tozongoparadzana chete musi wekufa.
©ngugi
N