💞তোমাৰ প্ৰেমত বন্দী মই💝

তুমি গুচি গলা মাত নিদিয়াকৈ
হয়তো হ'ব পাৰে
মাত মাতিও অলেখ বিচাৰিওঁ নাপাই মোক
গুচি গলা বহুতো অভিমান লৈ!
কিয় ভাল পালা মোক,
কিয় ভাল পোৱা?
মোৰ বাবেই যে বহু যন্ত্ৰনা
সহিবলগীয় হৈছে তোমাৰ
মোৰ বাবেই যে তুমি আজি
বহু দূৰ ৰবলগীয়া
কিয় ভাল পোৱা মোক!
কিয় ভাল পালা?
তোমাৰ দুখত কঁপি উঠে বুকু মোৰ
অজান আতঙ্কত,
তুমি কʼত কি কৰিছোঁ
একোয়েই নাজানো
অথচ...
অনুভৱ কৰোঁ গভীৰ যন্ত্ৰনা
মোৰ হৃদয়ত।
অলেখ যন্ত্ৰনাৰ বিভীষিকাই
বিৰক্ত কৰে প্ৰতিটি ক্ষণ
শিৰাই শিৰাই তুলে তোমাৰ
শীতল শিহৰণ।
প্ৰতিশ্ৰুতি পূৰ্ণ অঙ্গিকাৰ কৰিছোঁ
মই যে তোমালৈ,
ক'লা পৰি যাবলৈ নিদিম কেতিয়াও
মনতেই ৰাখিম সদায়
মই কৰা অঙ্গিকাৰ তোমালৈ।
তুমি ওভতি আহিবানে?
মোৰ বুকুখনিলৈ!
তোমাৰ স্মৃতিবোৰ পাহৰা নাই মই
লিপিত কৰি ৰাখিছোঁ
সʼতেজ হৈ থাকক স্মৃতিবোৰ
মোৰ মনৰ মণিকোঠাত হৃদয়লৈ।
দুঃখ কৰা নাই মই
তোমাৰ বাবেই আছোঁ ৰৈ,
তুমি অহাৰ বাট চাই
তেজত সানি লৈছোঁ চেনেহ তোমাৰ
অলেখ স্মৃতি কলিজাত,
তেজেৰে লিখি লৈছোঁ প্ৰতিশ্ৰুতিবোৰ
তুমি ওভতি অহাৰ।
দিছোঁ প্ৰতিশ্ৰুতি,
যদি হোৱা মোৰেই তুমি!
ছন্দহাৰা জীৱনত দিম স্তব্ধ উশাহ
আনিম জীৱনত তেজাল হাঁহি
পাহৰাই দিম বিগত দিনৰ
তোমাৰেই দুখৰ কাহিনী।
বাঞ্চিত সূৰ্য তোমাৰ সন্মুখত
লুকাই আছো তুমি তোমাৰেই মাজত,
মুগ্ধ যে মই তোমাৰ প্ৰেমত
সুখে দুখে থাকিব বিচাৰোঁ
তোমাৰ কাষতেই মই
দিবলৈ এক গভীৰ আস্থা
অৰ্থবহ জীৱনৰ ৰোধ,
বন্দী যে মই তোমাৰ প্ৰেমত।
হয়তো নেপালে তোমাক আক্ষেপ কৰি
অঘৰী পখীৰ অন্তহীন যাত্ৰা তিমিৰাচ্ছন্ন ৰাতি
য'তে তʼতেই নামিব মোৰ ভাগৰুৱা টোপনি
তেজৰ ধমনিবোৰ হʼব স্পন্দনহীন
নহ'লে হ'ব পাৰে কʼলা তুমি বিহীন।
মোৰ আশাহত জখমী হৃদয়ত
তোমাৰ বাবেই বহুতো প্ৰয়াস
তুমি মচিব পাৰিবা
অশ্ৰুসিক্ত নয়নৰ অন্তহীন বন্যা
বৈ দিব পাৰিবা তুমি
অমৃতময় প্ৰশান্তিৰ এক
স্নিগ্ধ উমাল প্ৰবাহ।
তুমিয়েই দিছোঁ মোক প্ৰথম প্ৰেমৰ ছোঁয়া
নিবিচাৰোঁ আনকাৰোবাৰ স্নেহসনা মায়া,
বন্দী মই হৈছো তোমাৰ প্ৰেম মায়াজালত
মুগ্ধ যে মই মাথোঁ তোমাৰেই নামত,
বন্দী হৈ আছো আজিও তোমাৰেই প্ৰেমত
থাকিব বিচাৰোঁ চিৰদিনলৈ
তোমাৰ প্ৰেমত বন্দী মই।
💝💝💝💝💝💝💝💝💝💝💝💝💝💝
©abdulmazid