Udaan❤

Chota sa parinda mai!
Jaise ek pinjre me qaid hun.
Pankh phadphada rahe Udne ko.
Abhi to Meri Udaan hai baaki.
Mai giri,to papa ne sambhala.
Meri bhook Pyaas ko,Maa ne Mitaya.
Kab tak Jiyungi main inke sahare.
Abhi to meri Pehli udaan hai baaki.
Apne sapnon ko apni Manzil banayi.
Manzil bohut door,safar thoda Mushkil hai.
Par himmat aur Sath ho jab Apnon ka.
To Har na-mumkin bhi mumkin hai.
Kayi baar thokar khayi,mai giri aur uthi.
Mann kiya ke chod dun aur laut jaun.
Jab mud ke dekha,to aawaz aayi.
Abhi to ek aur udaan hai baaki.
Logon ne taana Diya,Maine unki ek na maani.
Parindon se bhi unchi udaan jo thi bharni.
choom Lun aasman,maine ye zid hai thaani.
Abhi to Mere Hauslon Ki udaan jo hai baaki.
Mai Chalti gyi,aur log mujhse jalte gye.
Log mere sare Sapne todte gye.
Mai apne Sare sapne Jodti gyi.
Kyunke! Abhi to bohut sari udaan hai baaki.
Qud hi ko harane aur qud se hi jeetne Ki zid hai.
Qudko Kal se Behtar banane ki zid hai.
Ye to Apni Manzil par pahunchne Ki zid hai.
Han. Ye ek aur udaan bharne Ki zid hai.
Han! Ye ek aur udaan bharne Ki zid hai!
©saniya.s