🌹 वेळ 🌹

तीच वेळ मी साधतो,मित्रांच्या मिठीत मावतो.
ते हवेत पुन्हा मला,हेच स्वप्नात सांगतो.
काही काळ पुन्हा मला,द्या ना साथ त्या आवारात,
उत्स्फूर्त उत्साह तो,हृदयात दडला कोपऱ्यात.
होरपळून मन खुप हे,दाटले आता भावनांचे तट,
निस्वार्थ विसावा मैत्रीचा,भेटेल का कट्यावरी.
क्षुद्र सगळे भाव जरी,अनंत प्रेम उरामधे.
मैत्री वेळ मागते,जीवन शून्य मित्रांविना.
वाट ही जे चालते,वाटेत पाणी मागते,
घेऊन आभाळ मनी,सुगंध बागेत शोधू या.
निःशब्द किती राहायचे,परत कधी बोलायचे,
कधी हे उमगणार,नाव चालली वार्या सवे.
कोण कुठल्या नावेत आहे,आणुया एकदा समुद्र तीरी,
स्पर्श करून वार्याला,सगळेच क्षण वाटु या.
वेळेचे झालो दास जरी,घेऊया एक भेट आपण,एक क्षण जरा थांबुनी,घेऊया एक उंच भरारी.
🥀कवी:-अभय ना.ताकसांडे🥀
©abhayt