Elə bir duyğudan danış ki mənə
Yaşayım, hiss edim, həsəd aparım.
Yox! Yox! Dur! sevgidən danışma mənə.
Yalandan dolandan aldatma məni.
Elə bir duyğudan danış ki mənə,
Ruhum varlığın əks elətdirsin.
Elə bir duyğudan danış ki mənə,
Vicdanım səs salsın, sarsıtsın məni.
İndi mən danışım duyğularımı,
Çarəsiz, yorulmuş, aciz hisslərmi.
Qəlibindən bezmiş ruhun səsini
Azacıq çatdırım, dilə gətirim.
İfrat bir yalnızlıq, qaranlıq dünya.
Bir küncə sıxılıb, göz dikib yola,
Bəlkə zülmət gedə, bəlkə gün doğa,
Ölən, son ümiddi kibrit odu da.
Q