Yığılıb ocaqlara,
Kül olmuş qucaqlara,
Bir sevgi üzü qara,
Yol alır hansı səmtə?
Qədərimdən keçənlər,
Kədərdən pay biçənlər,
Dərd şərabın içənlər,
Süzülür hansı səmtə?
Yağan qar gecəyarı,
Azdırır bu yolları,
Ölülər qəbrə sarı,
Mollalar hansı səmtə?
Çox dağlanıb ürəklər,
Sönüb arzu,diləklər,
Hara əsir kələklər,
Doğrular hansı səmtə?
Haqqı,nahaqqı bilsəm,
Sözdə doğruya dəysəm,
Keçmişin qəddin əysəm,
Gələcək hansı səmtə?
Qəmər Məmmədli
05.06.2017
Q