Galti meri itni, mai janmi thi ek ladki!!
Jis Desh me ek ladki Ko lakshami Durga keh kr puja jata hai,
Us desh ki hi beti ka berahmi se wajoot luta jaata h,
Naam hai uska mardaangi, jispe purusho ko naaj hota hai,
Kisi ke ghar ki khushiyon ka gla ghot inko ghamand hota hai,
Galti meri itni, mai janmi thi ek ladki!!
Maine use Bhai kaha, Maine use chacha kaha,
ek darinde ne Mujhe noch daala aur Desh mera sota rha,
Mai chillati rahi, mai tadapti rhi par meri kisi ne ek na Sunni,
Us haiwan ne Mujhe jhangjhor Diya aur Mai tadap tadap roti rhi,
Galti meri itni, mai janmi thi ek ladki!!
Maa ke aangan ki chiraiya, Papa ki dulari aur Bhai ki pyaari thi,
Sapno ko jeena aur ek lambi Udaan bharna, yahi meri Zindagani thi,
Par maa aap sahi thi, zamaana bahot kharaab hai,
Is purushpradhan Desh me bas ek beti hi Badnaam hai,
Galti meri itni, mai janmi thi ek ladki!!
Sanskrit humari seekhati, hum sab Bhai behen hai, maa meri thi btati,
Kai the jisne Mujhe marte dekh hai,
Koi to bacha lo mujhe, ye minnate krte dekha hai,
Mujhe aas thi ki koi ayega bachane, Kuch Daya kr mujhpe rehmat karega,
Par insaaniyat ki jwaala jaise bhujh si Gyi thi,
fir ek Baar darindo ki darandagi ne har had paar ki thi,
Galti meri itni, mai janmi thi ek ladki!!
Shayad kismat meri hi kharaab thi,
Tabhi Mandir jaise Pavitra jagah par bhi na
umeed ki ek aas thi,
Aaj fir maa baap ki ek beti darandagi ki shikaar ho gyi,
Bhai ki kalai suni pad gyi aur duniya fir se sharam se sharam shaar ho Gyi,
Galti meri itni, mai janmi thi ek ladki!!
A