Unuda bilmirәm sәnli günlәri
köhnә sevgimizdә dutsaq olmuşam
oxşayıb dәftәrdә qalan dünlәri
bu axşam yenә dә şeirә dolmuşam
Gülünc bir ortam var dib otağımda
mәni әlә salıb fotolar gülür
sevgi şeirlәrim buz qucağımda
hicran qәzәllәri üstümә hürür
Divardan göz vurur mәnә gözlәrin
yanıxaraq qәmli baxıram sәnә
yadına gәlir mi yalan sözlәrin?
Sәndәn ayrılmaram demişdin mәnә
Şeir dәftәrimin bir varağında
ilk görüş adlı bir şeir yazmışam
demәli bu yolun ilk durağında
mәn özüm_özümә qәbir qazmışam
Yenә dan söküler açılır sәhәr
Qoşmalar oxşayır qәzәl ağlayır
Sәnsiz bu gecә dә keçdi bir tәhәr
mәnim mәzar içrә ruhum laxlayır
©qasımpenai
Q