🌹 अड़थळे 🌹

पाखरांचे जोडपे बघताना,मनात येवढेच येते माझ्या,
जातीपातीच्या सीमा नाही,धर्मांचे बंधन नाही.संपूर्ण आकाश खुलं आहे,पंख कापणारा कोणच नाही.
उड़ताना नको कागदपत्र,उतरताना परवानगी कशाला.
घरटे बांधले आवडेल त्या झाडाला,जळणाऱ्यांची परवाह कशाला.तहान लागल्यावर पाणी खुले,नाही समस्या पाण्याच्या ठेकेदारां मुळे.घे उंच झेप,कोणतेच अडथळे नाही,अडथळे आणायला बरे आहे आकाशात माणूसच नाही.बागडता येते फुलांच्या बगीचेत,सुगंध फुलांचा विकला नाही,प्रेमात गुंफलेल्या पाखरांना,भीती फक्त शिकाऱ्यांचीच आहे.पहारा नको ईज्जतीच्या वस्त्रांचा,वाट्टेल तेव्हा फाडुन टाकणारा.उडु दयारे पाखरांच्या जोडप्यांना,तिथे तुमचे काहीच नाही.बनवले तुम्ही काहीच नाही,मोडण्याचा पण हक्क नाही.डोळे उघडा,बघा आंधळ्यांनो,तुमच्या अंधारात जीवनच नाही.नका बनु पापाचे भागी,सत्याचे पाऊल ठेवा आधी.वाचवा आगीत होरपळणाऱ्या पाखरांना,तुमच्या अनुरुप तुम्ही सुखरूप,जर ही विचारधारा,मग विश्वाचे नाशअटळ आहे सांगा त्या पाखराला.
🥀कवी:- अभय ना. ताकसांडे 🥀
©abhayt