🚩🚩 विठू माऊली आणि वारकरी 🚩🚩

।। विठ्ठलाच्या भेटीसाठी आलो बेगी चालूनी ।।
।। विठ्ठल माझा पाही वाट डोळे पंढरी लावूनी ।।
।। माझ्या पंढरपुरीच्या विठ्ठला आलो मी दारी ।।
।। भोळ्याभाबड्या विठू माऊलीचा मी वारकरी।।
।। पंढरपुरीचा मी माझा सावळा विठ्ठल पाहिला।।
।। डोळे भरुनी पाही त्या चंद्रभागा बहिणीला ।।
।। दरबारी माझी आई रुक्मिणी हसे पाहूनी ।।
।। विठू माऊलीला पाही वारकरी आनंदूनी ।।
।। वेडा भक्त वारकरी आलो मी तुझ्या दारी ।।
।। बरसू दे तुझ्या प्रेमळ पाऊसाच्या त्या सरी ।।
।। माझ्या विठ्ठलाचे अनोखे नाते असे ते माझे ।।
।। भेटे मला तुझ्या दारी मुखदर्शन ते सुखाचे ।।
।। वेडी वाट पंढरीची धरली या भक्ताने तुझी ।।
।। माऊली तु भरली ती झोळी सुखाने माझी ।।
।। पंढरीच्या राजा माझे मन गुंतले त्या दरबारी।।
।। तु माझी विठू माऊली वेडा तुझा मी वारकरी।।
।। माझ्या पंंढरीच्या राजाची किती सांगू महती ।।
।। साऱ्या जगात गाजे माझ्या माऊलीची कीर्ती ।।
।। युगे विठेवरी उभी ती माझी माय माऊली।।
।। आम्हां लेकरांवर तीची आहे मायेची सावली ।।
।। वेडा भक्त गाई गुणगाण तुझे या मुखी ।।
।। दर्शन होताच दरबारी होऊनी आम्ही सुखी ।।
।। माझी विठाई होऊनी ती आमची आई ।।
।। धरतीवर दिसे रुप सुंदर तुझे ते ठायी ।।
।। पायी चालत येऊनी तुझ्या दर्शनासाठी ।।
।। ओढ लागे पुन्हा त्या क्षणाच्या भेटीसाठी ।।

स्वप्निता कमलाकर आंबेरकर
©swapnita